🚗 又一位學生首次考試合格！努力從不白費 💪🎉

今日又有好消息要同大家分享——又一位學生首次考車就成功合格！ 🎊

佢係一個非常勤力既學生，唔單止上堂時專心學習，課後仲會主動搵家人陪佢練習。即使辛苦，都堅持揸車去熟習考試路線，從來冇懶過。

講真，回想起佢最初學車時，曾經有啲駕駛上既嚴重問題，一直重複犯錯，搞到我一度有念頭唔想再教落去。但每當呢個念頭出現，我就會提醒自己：

「如果人人都識揸，就唔洗我出手教啦！」

好彩，我哋一齊都冇放棄。一步一步咁堅持到今日，佢終於一take pass！

當下我真係忍唔住攬住佢，真心咁祝賀佢！

能夠見證學生由迷惘、錯誤、跌跌碰碰，到最終掌握技巧、成功考牌，呢種轉變對我嚟講係最有意義。

每一份努力，終有回報。Well done！